Saturday, November 16, 2013

දිනූෂා ගුණතිලක ගඟට ඉණි කැපූ කාලයක් තිබිණි.

අපේ වෙස්ටර්න් බෑන්ඩ් එකෙන් සාමාජිකයෙක් ඉවත් වන්නේ නම් "මෑන් ‍ටු මෑන්"කවර් කළ යුතු කාලයක් විය. දිනූෂා ගුණතිලක වෙස්ටර්න් බෑන්ඩ් එකෙන් ඉවත් වන්නට තීරණය කළේ එවැනි කාලයකය. එවකට බෑන්ඩ් එකේ එකෝඩියන් එක වාදනය කළ ඈ  වෙනුවෙන් ඇගේ ස්ථානය කවර් කිරීමට ‍තෝරාගෙන තිබුණේ නදීෂා චන්ද්‍රසේන ය.
එය හරි අපූරු ‍තෝරා ගැනීමකි.ඒ පිළිබඳ පළමු යෝජනාව පැමිණියේ ඇගේ මව හරහා මගේ මවගෙනි. පාසලේ උසස් පෙළ ගුරුවරුන් වූ අපේ අම්මලා තම විවේකාගාරය ලෙස භාවිත කළ බයෝ සයන්ස් ලැබ් එක තුළ දී මේ පිළිබඳ අදහස් හුවමාරු වන්නට ඇති බවත් එහිදී නදීෂා චන්ද්‍රසේනගේ නම ඇගේ අම්මා විසින් යෝජනා කරන්නට ඇති බවත් මම සිතමි. කෙසේ වෙතත් එය "විද්‍යා පීඨ පුහුණුවට පසු ගුරු රස්සාව ලැබීම" වැනි විශ්වාස දායී පැකේජයක් විය. දිනූෂා ගුණතිලක විසින් නදීෂා චන්ද්‍රසේනට අඛණ්ඩ එකෝඩියන් පුහුණුවක් ලබා දෙනු ඇත. පුහුණුවෙන් පසු අනිවාර්යයෙන්ම ‍රැකියාව ලැබෙනු ඇත.


පුහුණුව ලබා දුන්නේ සඳුදා සිට සිකුරාදා දක්වා උදේ හයාමාරේ සිට හතහමාර වන තෙක් පාසලේ  ප්‍රථමාධාර කාමරය ඉදිරිපිටදීය. ඒ සඳහා භාවිත කළේ දිනූෂා ගුණතිලක එවකට වාදනය කළ පත එකෝඩියනය නොවේ, 1967 දී පාසලේ පළමු බෑන්ඩ් කණ්ඩායම පිහි‍ටුවන විට භාවිත කළ හිස්ටෝරිකල් එකෝඩියනය ය. එය ඉතා හුරුබුහුටි සැහැල්ලු වාදන භාණ්ඩයක් විය.
පුහුණුව ඇරඹුනේ දිනූෂා ගුණතිලක විසින්  ශ්‍රි ලංකාජාතික ගීය වාදනය කරනු ලබන අන්දම කියා දීමත් සමඟය.එය රටේ චිරාගත සම්ප්‍රදායයක් ය සිතමි. නමුත් ජාතික ගීය වාදනය කිරීම අපහසු කාරියක් වූ නිසා දෙවැනි දවසේ සිට "මේරි හැඩ් අ ලිට්ල් ලෑම්බ්" කියා දෙන ලදී.

දිනූෂා ගුණතිලක හෙනම උසය.ලස්සනය.ඇගේ අත්වල ඇඟිලි හෙනම දිගය.පියානෝ සහ එකෝඩියන් වාදනයට කියාපු අත් දෙකය.
නදීෂා චන්ද්‍රසේන හෙනම මිටිය. ලස්සනත්, අතේ ඇඟිලි වල දිගත් උසේ හැටියටය.

මේ පුහුණුව ඉතා වෙහෙසකර විය. පොත් බෑග් එක පපුව මැද එල්ලා සිටින්නා සේ එකෝඩියන් එක එල්ලා ගෙන හිඳිනු මදිවාට අත් දෙකෙම්ම එය වාදනය කළ යුතු විය. දකුණු අත කෙසේ වෙතත් වමත නම් ඊට හුරු වූයේම නැත.නමුත් දිනූෂා ගුණතිලක දිනපතා උදේ හයට පාසලට පැමිණ සිස්ටර් රොසිනාගේ කාමරය ඉදිරිපිට අල්මාරියෙන් එකෝඩියනය ගෙන කිසිදු වෙනස් කමකින් තොරව පුහුණුව ලබා දුන්නාය. දිනක් දෙකක් නොව පුරා මාස දෙකක්, සඳුදා සිට සිකුරාදා දක්වා උදේ හයේ සිට උදේ හතහමාර වනතුරු  සිස්ටර් රොසිනාගේ කාමරය ඉදිරිපිට අල්මාරියෙන් එකෝඩියනය ගෙන කිසිදු වෙනස් කමකින් තොරව පුහුණුව ලබා දුන්නාය.
ඒ වන විට පුහුණුවට මාස දෙකක් ගත වී තිබිණි. වරක් පාලර් එකේ නදීෂා චන්ද්‍රසේන දු‍ටු සිස්ටර් රොසිනා ඇගෙන් මෙසේ ඇසීය. "නදීෂා, දැන් කොයිතරම් දුරට ප්ලේ කරන්න පුළුවන්ද?"
"මේරි හැඩ් අ ලිට්ල් ලෑම්බ්" වල "ලිට්ල් ලෑම්බ්" කොටසට වෙන කල් පුළුවන්ය කියා නදීෂා චන්ද්‍රසේන උත්තර දුන්නාය.ඉන්පසු ජීවිතේ කිසි දිනෙක සිස්ටර් රොසිනා නදීෂා චන්ද්‍රසේන ගේ එකෝඩියන් ට්‍රේනින් එක ගැන ඇසුවේ නැත.
තුන්වෙනි මාසය වනවිට නදීෂා චන්ද්‍රසේන පාසලෙන් ඉවත් වී වෙනත් පසලකට ගිය නිසා මේ පුහුණුව නැවැත්වීමට සිදුවිය.අදටත් එකෝඩියනයක් ලබා දෙන්නේ නම් "මේරි හැඩ් අ ලිට්ල් ලෑම්බ්"වල  "ලිට්ල් ලෑම්බ්" කොටස දක්වා වාදනය කිරීමට නදීෂා චන්ද්‍රසෙනට හැකිය.

10 comments:

  1. Love it nangi!! Brought back so many memories!!

    ReplyDelete
  2. Really Really SORRY akki. I wasn't a good student !

    ReplyDelete
  3. රසවත්ම කතා ගොඩක් ! මේ බ්ලොග් ලිපි අහම්බෙන් ඇස ගැටුනේ. ඇත්තටම කියවන්න වටින බ්ලොග් අඩවියක් ! බොහොම ස්තූතියි නදීෂා.

    ReplyDelete
  4. /පාසලේ උසස් පෙළ ගුරුවරුන් වූ අපේ අම්මලා තම විවේකාගාරය ලෙස භාවිත කළ බයෝ සයන්ස් ලැබ් එක තුළ දී මේ පිළිබඳ අදහස් හුවමාරු වන්නට ඇති බවත් එහිදී නදීෂා චන්ද්‍රසේනගේ නම ඇගේ අම්මා විසින් යෝජනා කරන්නට ඇති බවත් මම සිතමි./

    දිනුෂා ගෙයි නදීෂා ගෙයි ඔයා ගෙයි අම්මලා තුන් දෙනාම ඒ ඉස්කෝලේ ඉගැන්නුවාද? හරි පුදුම ඉස්කෝලයක් ම තමයි............ :D

    ReplyDelete
    Replies
    1. ow ,nadeeshage amma apita a/l walata sinhala igannuwe..she was one of the best teachers in sacred heart convent history..

      Delete
    2. My mother, Nadeesha s' mother both were teachers at SHC. My mom taught Chemistry & Nadeesha s' mom taught Sinhala. They were best friends..

      Delete
  5. හරියටම අපේ පොඩි කෙල්ල මට පියානෝ ගහන්න ඉගැන්නුවා වගේ. හිටපු ගමන් ඇදගෙන ගොහින් ඉඳල මේරි HAD A LITTLE LAMB ගහන්න පටන් ගන්නවා. කාලයක් අමතකයි. මාස ගානකට පස්සේ ආයේ මතක් වෙලා ඇදගෙන ගිහින් MARY HAD A LITTLE LAMB ගහන්න කියලා දෙනවා. අවුරුදු ගානක් තිස්සේ . කෙල්ල කපපු ඉනි එක්කහු කළා නම් මෙලහට රට වටේට වැටක් ගහන්න තිබ්බ.

    ReplyDelete
  6. රසවත් මතක පිටුවක්........

    ReplyDelete
  7. රසවත් මතක පිටුවක්........

    ReplyDelete

 
;